Ti kunkunada: Saan kano a naipataray nga usto ni Presidente Cory Aquino ti operasyon ti Bataan Nuclear Power Plant a nabayag nga arapaap daydi Presidente a Marcos a manggibus kano iti krisis ti kuryente.
Ranggo: SAAN NGA PUDNO
Ti kaagpaysuananna:
Segun iti inlanad ti Discover Asean idi Pebrero 25:
Napauluan a “The First Nucleat (sic) Power plant diay Southeast Asia (https://www.facebook.com/discovera…/posts/1875975165920982)”
Ti Bataan Nuclear Power Plant in Morong, Bataan ket inrugi daydi Presidente Ferdinand Marcos idi tawen 1973.
“Maysa a presidential committee ti naitakder tapno agiparnuay ti pondo para iti dua a 620 megawatt nuclear reactors para kadagiti pangkasapulan ti Luzon nga enerhiya,” a kas nakuna. Nadisenyo daytoy tapno mangited iti 621 megawatts a kuryente.
“Kalpasan iti tawen 1986, nagdesisyon ti sumarsaruno nga administrasyon ni Presidente Corazon Aquino a saanen nga agoperasyon ti planta. Dagiti naikonsidera a kasasaad iti saan a panangituloy ti operasyon ket ti napigsa a panagkedked dagiti residente ti Bataan ken dagiti umili a Pilipino ken ti kinatalged ti konstruksiyon ti planta. Nagsagrap ti Pilipinas ti manipud walo aginggana sangapulo ket dua nga oras nga awan kuryente ken enerhiya manipus tawen 1989 agingga 1993.”
Maysa nga umili ti nangipaganetget a saan a ni Presidente Aquino ti nagdesisyon a saanen nga agoperasyon ti BNPP. Kuna ti Netizen a ni Darryl Mutya a ni Presidente Marcos ti nangipasardeng iti bukod na a proyekto idi 1979.(https://www.facebook.com/daryll2156/posts/10220414354540259).
Imparang na ti mismo a surat ni Marcos a mangipaspasardeng iti BNPP
(https://www.officialgazette.gov.ph/…/letter-of…/…) nu sadinno ket imbaga daydi Marcos a “iti amin a nailanad, naamiris ti komisyon a ti Bataan Nuclear Plant ket saan a natalged, isunga daytoy ket agserbi a peggad kadagiti salun-at ken kinatalged ti publiko. Manipud kadagiti naurnong a datos ti kasasaad, saanen a posible ti panakaituloy ti panakaipatakder ti Bataan Nuclear Plant laksid lang nu ti kontraktor a Westinghouse ket makaiparang kadagiti kapkapnekanna a panagbalbaliw iti disenyo ken maipasigurado na dagiti nayon ken naan-anay a ganwat tapno maiyunay-unay ti kinatalged ken masalakniban ti salun-at ti publiko.”
Ti problema ket, nabayadan ti Pilipinas ti nautang a pondo para iti konstruksiyon ti planta nukleyar iti nasurok a tallopulo a tawen.
“Umadani a tallopulo ket dua a tawen manipud nakumpleto ti BNPP, nabayadan dagiti Pilipino dagiti utang ken pati interes idi lang tawen 2007. Nagbayad ti gobyerno ti umabot P64.7 billion (P43.5 billion para iti principal nga amortisasyon weno in-inut a panagbayad ken P21.2 billion nga interes) para iti planta a saan pulos a nangiparnuay ti iray maysa man a watt ti kuryente,” segun iti Vera Files.
Saan nga rumbeng nga ipabasol ti Discover Asean ti saan a panakapaandar ti planta iti tengnga ti “walo inggana sangapulo a dua nga oras ken ti panakarasyon ti kuryente manipud 1989 agingga 1993.
ADVERTISEMENT
