Ti kunkunada: Nakaala ti SMNI kadagiti prestihiyoso a pammadayaw gapu iti panangipataray na iti debate dagiti agngayngayangay a presidente
Ranggo: KURANG TI KONTEKSTO NA
Dagiti umno a datos: Nakaawat ti Sonshine Media News International (SMNI) ti pammadayaw manipud iti Asian Sterling Awards para kano iti “World-class Political Debate of the Year”.
Agpayso, ngem kasla met lang a maibagbaga a nangabak ka ti maysa a pammadayaw manipud iti maysa a kaarrubam a tiendaan. Ti Asian Sterling Awards (ASA) nga patpatarayen ti ket naaramid tapno mangipaay iti NCO Events and Advertising Co., Inc. tapno mangited pammadayaw tapno mapangato ti opurtunidad dagiti kliyente da tapno makaala ti adadu nga isponsors para iti marketing ken panagpatalastas a kas nailanad mismo iti opisyal a website na.
Ti nasao a pangited pammadayaw ket awan ti naan-anay a pakaammuan na ken awan pay makatawen manipud naitakder daytoy.
Adda laeng nasurok weno kumurang a lima a ribo a “followers” ti Facebook Page ti ASA ken naaramid lang daytoy idi Mayo ti napalabas a tawen.(https://www.facebook.com/Asiansterlingawards/about).
Iti isponsors page na ket nailista ti innem a negosyo weno kompanya nga pinadayawan ti ASA (https://asiansterlingaward.wixsite.com/asa2021/sponsor).
Ti kuna mismo ti “About page” iti opisyal a website na ket ti pammadayaw ket tapno itan-ok ti kredibilidad ti kliyente ken mapadur-as ti panakailako ti produkto na ken tapno makaala ti kontrata manipud kadagiti napadayawan (https://asiansterlingaward.wixsite.com/asa2021).
Nayon na, dagiti pammadayaw nga itited ti ASA ket maipappaay laeng kadagiti negosyo weno kompanya a kauat da nga ital-ok, kaspangarigan ti
“Most Outstanding Glutathione Supplement” ken “Most Outstanding Innovative Gluta Drip and Facial Service” kas nagduma a kategorya, ken dadduma pay a kategorya kas iti “Most Outstanding Affordable Office Furniture Shop” ken “Most Outstanding Boutique Nursing Home Franchise.”
Iti nailanad a kinaagpaysuananna ti kinakurang ti naananay a datos ken panamgbigbig iti nasao nga pammadayaw ken kasta met lang ti kinaannayas na nu sadinno ket maibilang ti maysa a kompanya kadagiti nominasyon na, a nailanad mismo iti opisyal a website ti ASA ket mabalin nga aramiden a direkta dagiti kompanya, nalabes a bigbigen a ti pammadayaw ket prestihiyoso. Kasla a ti pakaiyarigan na ket dagiti mait-ited nga “vanity awards” weno dagiti nagatang a pammadayaw tapno pabangluen ti nagan da.
ADVERTISEMENT
