Ti kunkunada: Tinakaw kano ti PCGG ti pribado a kinabaknang ti pamilya a Marcos
Ranggo: ULBOD
Dagiti datos: Idi Mayo 30, 2022, maysa a Facebook page a maawagan “Filipino of the Future” weno “Pilipino kano ti masakbayan” ti mangkunkuna a tinakaw kano ti Presidential Commission on Good Government (PCGG) ti pribado a kinabaknang ti pamilya a Marcos.
Ti kunkuna ti nasao a page ket kinumpiska kano ti PCGG ti kuarta ti pamilya uray saan a limmabas iti usto a proseso. Ti lalaunen ti page ket dagiti pablaak a pumabpabor iti Marcos.
“Ti PCGG gayam ti nagtakaw iti pribado a kinabaknang ti pamilya a Marcos gapu iti panagkumpiska ka da kadagitoy uray awan ti naisayangkat nga usto a proseso? Umannamong kayo ngata a rumbeng nga ipa-audit ni Presidente a Bongbong Marcos ti PCGG a nangpabasol ken nagimbento kadagiti inuulbod a banag tapno laeng dadaelen ti pamilya a Marcos?”
Dagiti sanikua a kunkuna da a bagi ti pamilya Marcos a kinumpiska ti PCGG manipud iti panakaitakder na idi 1986 ket saan a pribado a tagikua ti pamilya a Marcos. Nagsurat ti sigud a mangudadaulo ti PCGG a ni Jovito Salonga ti artikulo nu kasano nga inusar ti pamilya a Marcos ti bileg da tapno makagun-od ti iligal a kinabaknang.
Sinolo dagiti Marcos ti sumagmamano nga industriya nga impasidong da kadagiti kroni weno abuyot da. Dagitoy a kroni ti naka-akop iti kinabaknang para kadagiti pamilya a Marcos ken dagiti negosyo da uray man iti pakadaksan dagiti Pilipino.
Maysa kadagitoy a kroni ket ni Roberto Benedicto, maysa a “kabsat” ni Marcos iti fraternity da, ti naipatugaw a kas dadaulo ti Philippine National Bank, ket bayat nga adda iti nasao a posisyon, inusar na ti kuarta ti bangko tapno pondoan na ti bukod na a negosyo ken dagiti negosyo dagiti dadduma pay a kroni. “Kinontrol” na pay ti Philippine Exchange Co. (Philex) a nangimaton kadagiti amin a linnakuan ti asukar para kadagiti lokal nga asyendero. Babaen iti Philex, nagatang ni Benedicto dagiti produkto dagiti lokal a negosyante ken nakaganar iti dakkel. Immabot pay ti gatad ti nailako nga asukar iti US$1 billion.
Maysa pay a kroni ket ni Antonio Floirendo a nangkontrol iti maysa kadagiti kadakkelan a plantasyon ti saba iti sangalubongan. Nakisinnabwat isuna iti Bureau of Prisons tapno maaramat na dagiti balud nga maikkan iti nababa a tangdan iti panagtrabaho da. Namaltrato dagiti balud a mariing iti alas tres ti agsapa ken mapikit nga agtrabaho iti atiddog nga oras, nga awan pay ti seguridad da ti trabaho ken salun-at.
Original fact-check: https://thebaguiochronicle.com/…/fact-check-the-pcgg…/
ADVERTISEMENT
