Ti kunkunada: Ti P1,000.00 bill weno papel ti maysa a ribo a piso ket saanen kano a ligal a kuarta nu maitupin
Ranggo: ULBOD
Dagiti datos: Iti bulan ti Abril 2020, rinuggian ti Bangko Sentral ti panangiparuar ti baro ken napadur-as kano a maysa a ribo a piso a polymer nu sadinno ket adda ti naisangsangayan a materyales na kas iti plastic ken resin. Impalawag ti BSP a ti barbaro a polymer a kuarta ket MAYMAYAT A KLASE (nataltalged ken sustenable), NADALDALUS (maymayat para iti salun-at ken nalinlinis), ken NATIBTIBKER (saan a nalaka a mapirdi ken nalaklaka) ngem iti dadduma a kuarta a papel.
Idi Hulyo 9, 2022, naipablaak iti Facebook page ti Police Community Affairs and Development Unit of Central Luzon dagiti listaan dagiti banag a saan a mabalin nga pamay-an dagiti tattao iti barbaro a ₱1000 polymer banknote.
Ti pablaak ti nangdiamaya kadagiti umili nga awaten dagiti nasao a kuarta gapu ta nu maitupin da ket saanen a mabalin nga ibayad. Iti nasao a pablaak, kuna ti PCADG nga segun iti Bangko Sentral ng Pilipinas, ti naitupin a P1,000 a kuarta ket saanen a maawat. Impaganetget pay ti pablaak nga mabalin da a mamulta iti Dua a pulo a piso ken mabalin da pay a mabalud iti lima a tawen nu saan a nasiyaat ti pamay-an da iti baro a ₱1000 polymer banknote.
Idi Hulyo 11, 2022, nangipablaak ti Bangko Sentral ng Pilipinas ti pammilin tapno masungbatan dagiti riri ken aneng-eng iti social media maipanggep iti saan a panang-awat ti sumagmamano nga establisyemento kadagiti naitupin a ₱1000 polymer banknotes. Iti pablaak na binalakadan ti BSP ti publiko a mabalin latta a mausar ken maawat a kas bayad ti naitupin a kuarta.
Mangiruar met ti Bangko Sentral ng Pilipinas kadagiti pannurutan nu kas-ano ti pamay-an kadagiti polymer a kuarta. Nairuar dagiti pannurutan tapno ipakaammo iti publiko maipanggep iti usto a panag-imet ken panagusar kadagiti kuarta a polymer ken papel tapno maipasigurado ken mapaattiddog ti integridad kem biag da.
“Ti mandato ti Presidente ket saknapen na iti kalawaan nga umili a Pilipino, nga innaldaw nga agigiggem ti pisikal a kuarta, kadagiti tiendaan ken kadagiti malls. Agbalin a didigra kadakuada nu saan a mabaliwan ti polisiya ti BSP iti polymer,” kuna ni Ronald Gustilo, Nasyunal a kampanyador para iti Digital Pinoys.
“Bayat a mayat nga adda a kanayon ti panagsuporta iti inobasyon ken teknolohiya, ti kamayatan latta a panagpadur-as ket solbaren na dagiti agpayso a parikut ti publiko imbes nga agaramid kadagiti barbaro a problema.”
Apay nga ammuen tayo ti kinapudno na daytoy: Kalpasan a makaani ti nasurok a reaksiyon iti 4,400, 5,300 a komento ken naiwaras ti 12,000 a daras, nagbalin a viral ti post nu sadinno ket maamak weno mabutenh dagiti umili a managawat kadagiti naitupin a ₱1000 polymer banknotes.
Ti pablaak iti Facebook page ti
Police Community Affairs and Development unit of Central Luzon ket makatikaw ken maka-ited ti buteng.
Original fact-check: https://thebaguiochronicle.com/…/fact-check-the-new…/
ADVERTISEMENT
