Ti Kunkunada: Ni Marcos kanon ti kangatuan ti naala na a pabor iti insayangkat a surbey ti Social Weather Stations para iti pagkapresidente iti bulan ti Marso
Ranggo: ULBOD
Dagiti Datos: Kunukuna iti tweet ni @ZippyHipolito a basar iti surbey ti Social Weather Stations weno SWS, maysa a non-profit organization a naisayangkat iti bulan ti Marso 2022 a ni Marcos kano ket isuna ti kangatuan a nakaala ti pabor nga addaan 58 a porsiyento.
Segun iti tweet, ti kano “nagleak” a resulta ti surbey ti SWS ket naipatungpal ti Stratbase ADR, maysa nga independente nga organisasyon ti panagsukisok a nakatalmeg iti panagamiris iti ekonomiya, sosyedad, pulitika ken dadduma pay a kangrunaan nga isyu nga addaan impluwensiya na iti Pilipinas ken iti rehiyon ti Indo-Pasipiko. (https://twitter.com/ZippyHi…/status/1514574415295508485…)
Daytoy ket saan a pudno gapu ta dagiti dokumento ket saan a naipablaak iti opisyal a website ti SWS. Iti Facebook page ti SWS, impalagip ti organisasyon baaen iti maysa a pablaak a ti “saan a pudno a panangipadamag maipanggep kadagiti surbey ti SWS ket kadawyan iti panawen ti eleksiyon. Maawis amin nga agtalek iti website ti SWS. (https://www.facebook.com/SocialWeatherStations/posts/4636611113085547)
Imbaga garuden ni Mangar Mangahas ti SWS babaen iti kolum na iti Philippine Daily Inquirer idi Abril 9, “Inlawlawag ko a saan a nangipabpablaak ti Social Weather Stations kadagiti estadistika ti linnumbaan para iti tawen 2022, simple lang gaputa, iti kaunaan a kanito manipud tawen 1992, awan ti media sponsor na para iti agdama a panawen ti eleksiyon para iti pagkapresidente.” (https://opinion.inquirer.net/…/ethics-in-election…) Impaganetget ni Mangahas a ti SWS presidential surveys kano ita a tawen ket saan a pudno a damag.
“Iti kallabes, maysa a pada a kolumnista ti mangkunkuna a nangisayangkat ti surbey ti Social Weather Stations idi Enero 28-31, 2022, ket inruar kano ti SWS dagiti resulta idi Pebrero 16, 2022, (Kitaen ti Joel Ruiz Butuyan, “Probing the surveys,” 4/7/22).
Ket uray sinomam a mangbirok ket awan ti makita nga uray anyaman a report ti SWS a naipablaak idiay www.sws.org.ph, a nu sadinno ket agserbi kuma a legitimo a basaran iti ibagbaga da a resulta.”
Apay nga ammuen tayo ti pudno: Adu nga accounts iti Facebook, YouTube ken Twitter ti mangipabpablaak iti surbey kano.
Sumagmamamano kadagitoy nga accounts ket dagiti sumaganad: https://www.facebook.com/bbmbabangongmuli/posts/157430403427473 https://www.facebook.com/…/a.1014812690…/151932647309580 https://www.facebook.com/permalink.php?story_fbid=137865578800524&id=100077312486557 https://www.facebook.com/photo?fbid=1259666494442147&set=a.1082290145513117 https://www.facebook.com/jun.jacinto.98/posts/5277809548930358 https://www.facebook.com/PinoyBea…/videos/432157975344992/ https://www.facebook.com/105087288038510/videos/935922563760085
Saan a nalatak ti maipanggep ken “Zippy” malaksid a nangalawngaw a sumupsuporta iti timpuyog ti BBM-Sara. Ti surbey ket naggapu iti saan a mapagtalkan nga account nga awan pay pagbasaran na nga addaan reputasyon na. Naaramid ti account idi lang bulan ti Hulyo 2020 nga awan pay unay pakailasinan iti makimbagi. Adda ti maysa a Facebook account nga addaan pada a nagan ken profile picture ti mangkunkuna a nagradwar kano isuna iti Ateneo de Manila University idi 1992 a nakaturpos kano iti degree iti Philosophy, English, ken History. (https://twitter.com/ZippyHipolito and https://www.facebook.com/profile.php?id=100076485755799)
Original article: https://thebaguiochronicle.com/…/fact-check-marcos…/
ADVERTISEMENT
