Ti kunkunada: Nakaawat kano ni Maria Ressa ti Rappler ti 4.5 million a dolyares manipud iti bilyunaryo a “New World Order Communist”
Ranggo: ULBOD
Dagiti datos: Maysa a tweet manipud iti user nga agnagan ‘@paosese’ ti mangkunkuna a nakaawat kano ti Chief Executive Officer ti Rappler a ni Maria Ressa ti 4.5 million a dolyar manipud iti negosyante a Hungarian-American a ni George Soros.
Iti tweet na, kunana a “nakaawat ti napaneknekan ti korte a nakabasol iti linteg a ni @mariaressa ti 4.5M a DOLYAR manipud kenni @georgesoros, maysa a plutocrat weno mannakabalin gapu iti kinabaknang na a mangpatpataray iti New World Order Communist weno Baro a Komunista a Lubong, Puskol Rupa”.
Linaon pay ti tweet ti maysa a daan a ladawan manipud GMA News idi naaresto ni Ressa idi 2019 gapu iti sabali a kaso.
Saan a pudno daytoy.
Ti kunkunada iti tweet ket awan ti ebidensiya. Pinaglibakan ni Maria Reesa babaen iti maysa a tweet ti pammabasol nga ibagbagana ket maysa manen daytoy nga inuulbod a sasao.
Segun iti Wikipedia, ti New World Order (NWO) ket maysa a teorya ti panagsisinnabwat nga agtagtagainep iti maysa a sikreto kano a mabukbukel a tiraniko a gobyerno weno tengngel ti diktaturya iti lubong.
Ti nalatak a ni George Soros a maikunkunekta kenni Ressa iti daytoy a kunkunada ket maysa a negosyante a Hungarian-American a nangipatakder iti Open Society Foundation.
Awan iti anyaman a konkreto ken naamiris a rason tapno ipilit ti koneksiyon da iti maysa ken maysa.
Apay nga ammuen tayo ti kinapudno: Ti inuulbod a pammabasol kas iti kastoy ket saan laeng a mangiwaras ti saan a pudpudno nga impormasyon, nu diket daytoy ket maibilang met lang a panagdadael ken agiparnuay iskandalo.