Ti Kunkunada: Isubli kano ni BBM ti Ilokano a kas Nasyunal a Pannarita
Ranggo: SAAN A PUDNO
Iti panagbitla ti kandidato ti UniTeam para iti kinapresidente a ni Bongbong Marcos iti proklamasyon ti anak na a ni Sandro idiay Siyudad ti Laoag idi Marso 25, 2022 a mangalallukoy kadagiti sumupsuporta kanyada para iti “Solid North” a boto, inkari na nga agsubli kano ti Ilokano a kas nasyunal weno nailyan a pannarita: “Magbabalik sa Ilocano ang national language.” (https://mb.com.ph/…/bongbongs-prediction-before-laoag…/).
Daytoy ket saan a pudno.
Dagiti Datos:
Iti pakaistoryaan ti Pilipinas, saan a pulos a nagbalin a nailyan a pannarita ti Ilokano.
Iti probisyon ti lengguwahe a nakalanad idiay 1987 a Konstitusyon, Artikulo 14, seksiyon 6 ken 7, maiparparang ti legal a basehan para kadagiti polisiya ti pagilyan. (https://www.officialgazette.gov.ph/…/the-1987…/).
Nailanad iti Seksiyon 6 a: ” Ti nailyan a pannarita ti Pilipinas ket Filipino. Bayat ii kinaadda na, daytoy ket mapadur-as ken mapabaknang babaen kadagiti agdama a pannarita.”
Ti panakaaramid ti maysa a nailyan a pannarita iti Pilipinas ket nairuswat kas paset ti mandato ti 1935 a Konstitusyon Artikulo 14 Seksiyon 3.Masapul a nakabasar ti nailyan a pannarita iti maysa kadagiti agdama a pannarita iti pagilyan, ken maysa a nasyunal a komite ti nabuangay tapno adalen ti lengguwahe nu sadinno a naibasar ti nailyan a pannarita.
Nakadesisyon ti komite a Tagalog ti mausar kalpasan ti tallo a tawen.
Ti rekomendasyon da ti nangiturong ti Tagalog a kas nailyan a pannarita, a ti kamauddianan ket naawagan a Pilipino.
Agingga nga idi Kombensiyon Konstitisyonal idi 1973 ket rimsuwa manen ti tongtongan nu anya ti nailyan a pannarita. Ti Committee on National Language (CNL), a bukbuklen dagiti nadumaduma nga eksperto ti lengguwahe, ti nabuangay tapno italmeg ti maysa a nailyan a pannarita a nakabasar kadagiti nadumaduma nga agtutubo a lengguwahe.
Kamauddiananna, naresolba daytoy iti 1987 a Konstitusyon a ti Filipino ti nailyan a pannarita ti Pilipinas, nga isu ti mausar para iti opisyal a komunikasyon ken a kas lengguwahe ti instruksiyon. (https://ncca.gov.ph/…/development-of-filipino-the…/).
Daytoy a proseso ket naiyaramid iti las-od ti 50 a tawen.
Ti Ilokano ti kangrunaan a pannarita weno lingua franca dagiti kaadduan nga umili dagiti rehiyon iti Norte weno Amianan a paset ti Luzon nga mangbukbukel iti maikatlo a kadakkelan a komunidad iti pagilyan. (https://www.britannica.com/topic/Ilocano-language).
It is worth noting that BBM himself! revealed that he is barely fluent in Ilocano (https://www.youtube.com/watch?v=kL_3-tnXcVg&t=4s).
ADVERTISEMENT
