Ti kunkunada: Awan kano ti panagkalikagum ni Imelda Marcos iti sapatos ken dagidiay adu a sapatos na ket inted dagiti agar-aramid ti sapatos idiat Marikina tapno kano ital-o ma dagitoy iti sangalubongan
Ranggo: ULBOD
Iti daytoy a maiwarwaras a bidyo (Team Sario – IMELDA MARCOS 3,000+ Shoes Explained …Ctto) a nabuya iti namin-1.2 milyon a daras, pinaglibakan ni dati a First Lady Imelda Marcos ti alegasyon ti TV host ken Economics professor Winnie Monsod’s nga dakkel ti panagkalikag na iti sapsapatos.
Kuna ni Imelda nga awan ti panakalikagum na iti sapsapatos (uray nu impapilit ni Monsod nga addaan ni Imelda ti koleksiyon na a sapsapatos nga 3,000) ket italtal-o na lang ti industriya ti sapatos ti Marikina.
Iti bidyo, maysa a babae a nainterbyu ti nangibaga nga regregaluan dagiti agar-aramid ti sapatos ni Imelda ti sangapulo a pares ti kada domingo.
Nu man agpayso, mabalin a makatabunno weno makaurnong isuna ti 520 a pares ti kada tawen weno nasurok 3,000 a pares nga isu ti ammo ti kaadwan a koleksiyon na.
Nakontra daytoy a kinaadu ta daytoy ket isu ti bilang ti Philippine Commission on Good Government ken ti accounting firm ti Sycip, Gorres ken Velayo. Ngem ti kuna ti Time Magazine, CNN, New York Times, ken BBC, ti lang bilang da ket nasurok a 1,000 a pares uray nu kuna ti Associated Press idi 2012 nga adda ti 1,000 a pares ti dinadael ti anay ken buot.
Adda iti imet ti Marikina Shoe Museum ti 253 a pares a nakaparang ken 467 ti nakadulin. Numanpay kaadduan ket naaramid iti lokalidad, adu kadagiti sapatos ti addaan tatak nga imported. Segun iti ABC Australia (https://www.abc.net.au/…/imelda-marcos-shoe…/7877098), ti paborito a pares ni Imelda ket ti inaramid ti Italiano a sapatero a Beltrami. ” Naayatan ni Mrs. Marcis dagiti nangisit a sapatos a de-takong a nakabilan iti nangingina a maris ti bato ken adda pay balitok a materyales, isunga nagpaala isuna ti nayon pay a pares a padpada nga istilo,” nailanad. Addaan 58 a Beltrami a pares.
Nailista ti Newsbreak dagiti sapatos nga adda iti Marikina (https://www.rappler.com/…/212529-imelda-marcos-shoes…/) Museum ken naibilang kadagiti nalatak a nagan ti sapatos kas iti Charles Jourdan, Christian Dior, Bruno Magli, Ravne, Evan Picone, Gucci, Oleg Cassini, Walter Steiger, Anne Klein, ken Stuart Weitzman.
Ti kalakaan kadagiti imported a pares ti sapatos ket umagarup US100 a dolyares.
Dagiti Marikina a sapatos ket agbalor innem inggana nga sangapulo ket maysa a dolyares.
Original article: https://thebaguiochronicle.com/…/fact-check-imelda…/
ADVERTISEMENT
