Ti kunkunada: Ti galunggong weno round scad (Decapterus Macrosoma) iti pannarita nga ingles ti kalakaan a taraknen.
Ranggo: SAAN A PUDNO
Ti panagtaraken ti galunggong tapno paaduen para iti merkado ket adda pay lang iti eksperimental a tukad.
Dagiti umno a datos: Apay a maamamiris ti kinapudno na daytoy: Iti maysa a pannakainnuman na iti DZRJ idi Marso 8, kuna ti agngayngayangay para iti pagkapresidente a ni Ferdinand “Bongbong” Marcos a kalakaan kano ti galunggong a taraknen ken paadduen. Impablaak ti Philippine Star ti bidyo na ti interbyu ken intalmeg na iti Facebook page na ti imbalikas ni Marcos. Nakaani ti nasao anga bidyo ti nasueok 1,500 a reaksiyon, 671 a komento, ken nabuya daytoy iti namin 19,000 a daras. Daytoy pay ket naibingay iti 3,800 a daras.
Kompleto a detalye: Bayat ti interbyu ti DXRJ para kadagiti kandidato para iti pagkapresidente, inyebkas ti kanagnagan ti diktador a ni Ferdinand Marcos Jr. ti siddaaw na a gumatgatang ti pagilyan ti galunggong weno roumd scad manipud sabali a pagilyan.
“Saanak pay lang a mamati nga gumatgatang tayo ti galunhhong manipud sabali a pagilyan. Kas-ano kinaagpayso na daytoy? Maysa tayo a pagilyan nga arkipelago. Ti kalakaan a taraknen ket galunggong. Saan aya a para iti marigrigat kuma dayta? Makaala ka uray sadinno man, santo agimimport tayo?” kuna ti dadaulo ti Uniteam.
Bayat iti panagsurat iti daytoy nga artikulo, ti bidyo ket nakaani ti nasurok a 1,500 a reaksiyon, 671 a komento 671 kem 19,000 ti namgbuya. Kabayatan na, ti naitalmeg nga imbalikas ni Marcos ket naiwaras iti 3,800 a daras, nakaani ti 19,000 a reaksiyon ken 6,600 a komento.
Ti kunkuna ni Marcos ket awan kinaagpaysuananna.
Segun iti artikulo ti Departamento ti Agrikultura idi Marso 7, adda pay lang iti eksperimental a tukad ti panagtaraken ti galunggong.
Nabaelan ti Southeast Asian Fisheries Development Center-Aquaculture Department (SEAFDEC-AQD) a mangpaado iti nasao nga ikan iti pagpupukan iti lang kallabes. Agisaysayangkat pay lang ti nayon a panagadal dagiti eksperto kadagiti panagdur-as ti ikan, ti pamay-an ri oannangan da, ken dagiti proseso ti panangpaado ken panangpadakkel kadakuada bayat a nakapupok da. Ti panagadal ket paset ti proyekto a pinundoan ti gibyerno ti Hapon tapno mapadur-as ti teknolohiya ti aquaculture para kadagiti baro a kalse ti ikan kanayon na dagiti mackerel tuna ken flathead lobster.
Naitalmeg iti artikulo ti imbaga ti dadaulo ti SEAFDEC-AQD a ni Dan Baliao a “kasapulan da pay nga naan-anay nga ipatungpal ti teknolohiya padur-asen ti panagtaraken ti galunggong”.
Idi tawen 2021, nakaani ti pagilyan ti 180,173 a tonelada ti galunggong manipud komersiyal a panagkalap ken kadagiti kadanuman dagiti munisipto ti pagilyan, nga agbalor ti 14.780 million a piso. Inaprobaran met ti DA idi Enero 2022 ti importasyon ti galunggong, ti rason na ket ti kinakurang ti suplay iti umuna a tallo a bulan ti tawen nga aggarup 119,000 a tonelada.– Rappler, Ni Sherwin de Vera ket maysa a dyornalista manipud Luzon ken nakaawat iti Aries Rufo Journalism Fellowship.
ADVERTISEMENT
