Ti Kunkunada: Saan kano a makatulong dagiti kooperatiba ti kuryente iti industriya ti enerhiya nga isu’t gapu nu apay a nangina ti babayadan
Ranggo: ULBOD
Dagiti Datos: Iti uneg ti nasurok a 40 a tawen, dakkel ti papel dagiti kooperatiba ti kuryente wenno electric cooperatives (ECs) iti panangipan iti kuryente kadagiti pagtaengan uray iti nasulinek a luglugar. Pribado dagiti ECs, non-stock, non-profit ken kukua dagiti Member-Consumer-Owners (MCOs) da.
Segun iti National Electrification Administration (NEA), adda ti 121 a mabigbigbig nga ECs iti Pilipinas ken pito lang ti saan a mapatpataray a nasayaat.
Iti Probinsiya ti Benguet ken ti Baguio City, ti Benguet Electic Cooperative (BENECO) ti mabigbigbig nga addaan kalakaan a bayad ti kuryente.
Apay nga ammuen tayo daytoy: Siaammo kuma ti maysa nga agngayngayangay ti kinapresidente dagiti kangrunaan nga isyu a sanguen nanto ni agtugaw isuna. Saan laeng nga iyamammo dagiti debate, interbyu ken ummong kadagiti botante dagiti kandidato da nu diket maikkan da pay naan-anay a panangduktal kadakuada nu kas-ano a buyaen ken amiresen dagitoy a kandidato dagiti isyu a mang-apapektar ti pagilyan.
Iti maysa nga interbyu kadagiti kandidato para iti kinapresidente a napauluan “Bakit Ikaw? the DZRH Presidential Job Interview” a naipablaak idi January 25, 2022, kuna ti agngaygayangay a ni Ferdinand “Bongbong” R. Marcos, Jr. a saan a makatuling dagiti ECs, naigamer iti utang, ken ipaspasa na dagitoy kadagiti kliyente da. Sinaludsod isuna ti anchorman a ni Deo Macalma ti, “Nu dakayo ti agbalin a presidente, kas-ano yo a maawis dagiti negosyante ditoy pagilyan. Nangina ti singir ti kuryente, anya ti aramiden yo?”
Imbinglay ni Marcos dagiti panagbuya na iti panagpartuat ti kuryente ken ti panangiwaras iti daytoy. Intalmeg na a “Ken ti sistema, saan laeng a panagpartuat ken panagiwaras. Idiay ti ayan ti parikot ngay, kadagiti saan nga usto ti pataray na a kooperatiba ti kuryente Naigamer iti utang. Ket diay siyempre, ti serbisyo da iti, ti panagserbisyo da iti utang da, tapno makabayad da kadagiti inutang da, ipaspasa da kadagiti kliyenta da isunga nguminngina. Isunga adda dagiti saan a mapakpakadaan a sitwasyon nu sadinno ti oagapgapuan ti kuryente ket adda iti panagpapada na nga maladladaw. Geothermal. Adda dayta kua.” [https://www.youtube.com/watch?v=PmIw5Tdysws 2:16:55 on the timeline]
Nairuar ti pablaak ti NEA idi January 29, kunkuna na a “manipud iti kauddian a panagamiris iti kabuklan a taray dagiti ECs, pito (7) laeng manipud kadagiti sangagasut ken dua a pulo ket maysa (121) nga ECs ti mabuybuya nga saan nga usto a mapatpataray. Iti suporta dagiti MCOs, nadumaduma nga ahensiya ti gobyerno, ken dadduma pay nga organisasyon, mamati ti National Electrification Administration (NEA) a makabael a bumangon dagitoy nga ECs ken pumipiya kadagiti umay a tawen.”
Intalmeg pay ti NEA a dagiti ECs a saan a mapatpataray nga usto ket mabalin a gappuanan dagiti saan a panagkikinnaawatan iti politika, armado a labanan, kultura, kinarigat ti luglugar, parikot iti dalan ken dadduma pay. [http://www.nea.gov.ph/…/727-nea-statement-on-the…]
Adu nga ECs manipud nadumaduma a paset ti pagilyan ti mangit-ited ti dadduma pay a serbisyo da malaksid iti panagoartuat iti kuryente. Ti BENECO, nga agserserbi iti probinsiya ti Benguet ken Siyudad ti Baguio, ket aktibo a makipaspaset iti panagited kadagiti tulong kadagiti MCOs kairamanan ti tulong para iti edukasyon para kadagiti rumbeng lang a matulongan. [http://baguiomidlandcourier.com.ph/benguet.asp?mode=archives/2019/may/5-12-2019/beng2-BENECO-offers-scholarship.txt]
ADVERTISEMENT
