Ti Kunkunada: Imbaga ti spokesperson ti NTF-ELCAC nga intensyon ni Mayor Magalong ti Baguio nga protektahan dagiti komyunista nga rebelde isu inruar na ti direktiba na.
Ranggo: ULBOD
Ti Datos: Iti post na iti FB page ti NTF-ELCAC, imbaga ti spokesperson da a ni Lorraine Marie T. Badoy-Partosa nga nadismaya isuna kenni Baguio City Mayor Benjamin B. Magalong gapus ta nagaramid daytoy ti direktiba nga maiparit iti mangiruar idiay social media ken agipaskil iti posters iti red-tagging tapnu maprotektaan dagiti grupo ken indibidwal nga pabpabasulen da nga komyunista.
Inruar ti Mayor Magalong daytoy a direktiba para dagiti kapulisan malpas nagipulong dagiti aktibista, pati dagiti estudyante, nga marikna da nga haan da matalinaay malpas da a ma-red-tag. Bago daytoy ket inayanaban dagitoy tapnu agtutungtong da.
Apay nga infact-check mi daytoy:
Ti direktiba a husto ken legal nga inaramid ti maysa a local chief executive para iti tattao na tapnu mabiag da nga awan buteng ken libre da a maibaga ti opinyon da ket naisurat daytoy iti Konstitusyon tayo, isu nga haan daytoy nga mamisinterpretar wenno mapagdaksan. Daytoy a post ti NTF-ELCAC ket nakaala ti 830 a reakyon, 154 nga komento ket naipasa iti mamin-254 mula idi insurat mi daytoy.
Ti detalye:
Dakkel ti interes ti NTF-ELCAC ti kunkunada a MAKABAYAN bloc. Idi nagrugi daytoy idi 2016, ibagbaga nan a agkadua ti MAKABAYAN ken ti CPP-NPA uray awan maiparang da a ebideniya. Ti red-tagging, nga paborito nga aktibidades ti NTF-ELCAC, ket adu madangran na a biag ken wayawaya [https://verafiles.org/…/vera-files-fact-sheet-dangers…].
Idi Marso 21, 2022, nangiruar ni Spokesperson Lorraine Badoy-Partosa iti statement idiay NTF-ELCAC’s Facebook Page nga ibagbaga na a ti direktiba ni Mayor Magalong’s nga isalsalaknib na dagiti CPP-NPA rebels uray ti Kabataan Party-list. Kunana pay, “Mayor, tamaan ka naman sana ng hiya sa ginagawa mo. Hindi na bale kung ang KABAG na mga urban operatives ng CPP NPA NDF ang nagsasabi ng mga pinagsasabi mo. Pero nanggagaling ang kasinungalingan na ito sa pinuno ng RTF ELCAC CAR/ RPOC CAR, dating Heneral ng PNP at graduate ng PMA.” [https://www.facebook.com/ntfelcac/posts/312460457652740]
Kuna ti Facebook post ti Baguio City Public Information Office, adu ngamin ti indibidwal a residente ti Baguio nga nagipulong ken ni Magalong nga pinadaksan da gapus ta komyunista da kano. Isu nga sinumbatan da ni Magalong: “We assured them that here in Baguio they are safe and told them that we are going to undertake measures to assure their safety and that of their families.” [https://www.facebook.com/pio.baguio/posts/513582626798385]
Daytoy a panagreredtag ti NTF-ELCAC ket maysa nga rason tapnu mapatalna dagiti oposisyon ti gobyerno. Isu nga ti kontrobersyal a Section 29 ti RA 11479, imbaga na nga siyasino a masuspetsaan a tumultulong iti terrorist groups ket maarestar ken madetain ngas awan warrant da
ADVERTISEMENT
