Ti Kunkunada: Ay-ayunan kano ti probinsiyal a gobyerno ti Ilocos Norte ti petisyon a mangideklara kenni Bise Presidente a ni Leni Robredo a kas maysa a “persona non grata” weno saan a masangaili iti probinsiya gapu ta ti nasao a petisyon nga impablaak ti maysa nga istudyante ti maysa nga unibersidad ket addaan opisyal a tatak ti Ilocos Norte.
Ranggo: ULBOD
Ti Datos: Saan nga umannamong ti Probinsiyal a Gobyerno ti Ilocos Norte iti nasao nga petisyon, ken kinondenar na pay ti panagusar ti opisyal a tatak ti probinsiya tapno “agiwaras kadagiti saan a pudno ken malisyoso a pablaak kontra iti siasino man a tao weno grupo.”
Apay nga amirisen tayo daytoy: Bayat iti panakaisurat na daytoy nga artikulo, ti nasao a post iti social media ket naiwaras iti 93 a daras, addaan 451 a likes ken 357 a komento. Ti surat a nailanad iti nasao a post ket mabalin nga ibilang dagiti tattao nga opisyal a takder ti probinsiyal a gobyerno.
Kompleto a detalye:
Iti aldaw ti Martes, Marso 15, ti Facebook user a ni Von Keizer Bulan, a mangibagbaga nga istudyante isuna iti Mariano Marcos State University, ti nangipablaak iti maysa a petisyon kano nga inusar na pay ti opisyal a tatak ti Ilocos Norte nu sadinno ket maidawdawat a maideklara a “persona non grata” weno saan a masangaili iti probinsiya ni Bise Presidente ken agngayngayangay ti pagkapresidente a ni Leni Robredo.
Ti Ilocos Norte ket probinsiya ti kabinnalubal ni Robredo iti pagkapresidente a ni Ferdinand “Bongbong” Marcos Jr. a nagbalin a gobernador ti probinsiya ken Senador ti pagilyan.
Nakalanad iti petisyon nga agparpatuat kano ni Robredo kadagiti saan nga umno ken linalastog a sarita kadagiti sabali a pagilyan, kas ti kano panag-apan na idiay London School of Economics (LSE), nu sadinno ket ibagbaga na kano a “maysa kadagiti kapobrean a probinsiya ti Pilipinas ti Ilocos Norte.” Innayon na pay a dagiti imbaga ni Robredo ket panangdadael, insulto ken saan a rumbeng nga aramid ti maysa a bise presidente.
Ti petisyon a naisurat kano para iti umili a mangisaksakit ti Ilocos Norte ket awan pay uray maysa a pirma na.
Ti nasao a post ti makita a mangitaltalmeg iti sinao ni Robredo idi Abril 2018 idiay LSE, nu sadinno ket nagbiddut isuna a nangibilang ti Ilocos Norte kadagiti sangapulo a probinsiya nga addaan kangattuan dinastiyal a bingay idi eleksiyon ti 2016 [ken nagbalin] a sitatalinaed kadagiti 20 a probinsiya a marigrigat manipud 2004.
Ti imbalikas ni Robredo ket inadal ti Vera Files, nu sadinno ket napaglalaok ni Robredo dagiti datos bayat iti panagbitla na, a nangipresenta iti artikulo nga maysa a nangisurat ket nit Ateneo School of Government Dean Ronald Mendoza a napauluan ti “Dynasties Thrive Under Decentralization in the Philippines.”
Inaklon ti Opisina ti Bise Presidente (OBP) a naglalaok ti datos nga impresenta ni Robredo, ket dimmawat da pay pammakawan iti LSE gapu iti biddut a panangipresenta iti listam manipud iti insuratt ni Mendoza.
“Inlista ti artikulo ni Mendoza a ti Ilocos Norte iti “top 20 most dynastic philippine provinces from 2004 to 2016, saan a kas paset dagiti 20 a marigrigat a probinsiya,” kuna ti OBP.
Iti maysa a pablaak a naipost iti Facebook idi Martes, kuna ti Probinsiyal a Gobyerno ti Ilocos Norte, babaen iti opisina na a pangmidya a ” saan da ayayunan ti nadao a petisyon a maiwarwaras iti social media maipanggep iti maysa a kandidato.”
Kunana a saan a rumbeng a mausar ti opisyal a tatak ti probinsiya tapno ” agiwaras iti kinalangsot ken malisyoso a pablaak laban iti siasino man a tao weno grupo.”
Kuna ti Ilocos Norte Government Officer a ni Gervy James Gumarit, Ilocos Norte government information officer nga awan permiso kadakuada iti panakausar ti opisyal a tatak ti Ilocos Norte iti nasao a surat.
“Kayat ko nga ilawlawag a ti maibagbaga pablaak ket saan nga opisyal a takder ti probinsiyal a gobyerno,” kunana.
Awan met naawat ti sekretaryat ti Sangguniang Panlalawigan a kopya ti petisyon uray idi pinadas ti Rappler nga iberipika daytoy.
Pinadas ti Rappler nga alaen ti komento ti istudyante a nangipost idiay a surat ngem awan pay sungbat na bayat a maisursurat daytoy nga artikulo. Agipaay kami ti baro a datos ditoy nga istorya nu adda man maawat mi a sungbat.
Iti post na, alallukoyen na dagiti umili a suportaran da ti petisyon, kuna na a dagiti imbagbaga ni Robredo a “saan a pudno” ti naan-anay a rason tapno gibusan ti politikal nga ambisyon na.
Dawdawaten met ti probinsiyal a gobyerno nga amirisen a nalaing dagiti impormasyon a maibingbingay kadakuada. – original fact check by John Michael Mugas/Rappler (https://www.rappler.com/…/ilocos-norte-government…/)
Nj John Michael Mugas ket maysa a dyornalista a nakabase iti Luzon ken maysa a nakaawat iti Aries Rufo Journalism Fellowship.
ADVERTISEMENT
