Ti kunkunada: Araken ni Presidente Duterte a Ilocano ti kasukat na
Ranggo: ADDA BASSIT A PAGKAULBOD NA
Ti kaagpaysuananna:
Napan ni Duterte idiay Ilocos Sur gapu iti imbitasyon ti dati a gobernador a ni Luis “Chavit” Singson idi Marso 4. Napanna nilukatan ti Narvacan Farmers Market.
Idi pinagsao da, imbaga na: “Kaya ibigay ko na lang ito isang buwan aalis na ako sa Malacañang, mamili na kayo kung sinong Ilocano na lider ilagay ninyo doon.
Innayon na met laeng a ti lakay ni Sara Duterte ket maysa met laeng a Ilocano aggapu Paoay, Ilocos Norte.
Iti panagbaga na ngarud nga agpili dagiti agdengdengngeg ti uray sino a Ilocano nga lider ket daytoyen ni Ferdinand R. Marcos Jr. ti napili na a kasukat na.
Ni Marcos laeng ti Ilocano iti baet dagiti tumartaray.
Ngem kasla imbaga ti Rappler, isu met aleng ti imabaga ni Presidente idi napan ti Cavite, Bicol ken Mindanao, nga nu sino ti Caviteno, Bicolano, Minadanaoan etc ket isu ti ibotos dan.
Ngem naamuan tayo nga adda pay gayam maysa a Ilocano ti baet dagiti presidentiables.
Daytoy ni Ernesto Corpus Abella, 72, a isu pay ti umuna a spokeman ni Duterte idi 2016 hanggang 2017. Nalpas ti pagkaspokesman na ket nagbalin ni Abella a Undersecretary for Strategic Communications and Research ti Department of Foreign Affairs.
Bago nagbalin a spokesman ket nagbalin isuna a advertising executive, businessman, columnist ken pastor. Naiyanak isuna diay Davao City.
Ita fan page na (https://www.facebook.com/groups/455682672560652/posts/524859868976265/), imbaga ni Abella nga maysa a “Ilocano and Davaoeno.”
Haan a naibaga ngem kayat na sawen ket ti pareho wenno maysa a nagannak kaniana ket Ilocano a nagmigrante idiay.
ADVERTISEMENT
