Ti Kunkunada: Ti CPP ti nagtaudan dagiti impabpablaak ti US State Department maipanggep iti karbengan tao iti Pilipinas
Ranggo: ULBOD
Nagipablaak ti artikulo ti SMNI idi Abril 28 maipanggep kadagiti inlanad ti United States Department of State iti pablaak na a napauluan a “2021 Country Reports on Human Rights Practices: Philippines,” nu sadinno ket dinillaw na ti Gobyerno ti Pilipinas gapu kadagiti isyu dagiti damag maipanggep iti saan a nainkalintegan a panagpatay, pammapatay nga inyaramid weno naipasidong iti bileg ti gobyerno ti Pilipinas ken dagiti mannakabalin a tattao.
Iti artikulo ti SMNI, a naibasar iti interbyu ti nangipatakder kem akimbagi ti SMNI a ni Apollo Quiboloy kenni Jeffrey Celiza a mangibagbaga kano nga isuna ket sigud a kameng ti Communist Party of the Philippines (CPP) – nailatang a ti pablaak ti US State Department report ket padakes iti administrasyon ni Duterte, ta ti naiparang lang kano ket dagiti panaglabsing ti gobyerno iti karbengan tao bayat a siuulimek weno natalna laeng kadagiti dakes nga aramid ti CPP.
Impalawag ni Celiz a ti rason na dagitoy ket gapu ta nagdependar laeng laeng ti US State Department kadagiti impadamag ti grupo ti karbengan tao a Karapatan, nga intalmeg na prente ti CPP.
Ranggo: ULBOD
Dagiti datos: Saan laeng a naminsan nga impablaak ti US State Department maipanggep iti kastoy a kasasaad. “Iti umadani a lima a dekada, nagipabpablaak ti Estados Unidos kadagiti damagaipanggep iti panagtespeto ti karbengan tao, nu sadinno ket impapati na nga iparang dagiti pudno ken patas a pakasuratan ken pakaistoryaan ti kasadan ti karbengan tao iti sangalubongan – iti tawen 2021, manipud iti 198 a pagilyan ken teritoryo,” palawag ti US State Department iti paunana iti pangsalubongan a pablaak na.
Nakatalmeg ti pablaak iti 2021iti unibersalidad ti karbengan tao, ken intalmegan na pay dagiti sumagmamano a gubyerno iti sangalubongan a nagbalin a lugar dagiti nangabuso iti karbengan tao iti pagilyan da.
Iti isyu na iti tawen 2021, naidatag ken naipaduktal dagiti abuso dagiti kameng ti puwersa ti estado, kangrunaan dagiti kameng ti Philippine National Police, Armed Forces of the Philippines, ken daddumapay a paramilitar a grupo.
Naibalikas ti US State Department dagiti sumagmamano nga internasyunal a grupo ti karbengan tao ken managbantay iti kinapudno nga organisasyon karaman ti Karapatan. Naiabaga iti pablaak ti inrekord ti Karapatan maipanggep kadagiti pammapatay nga addaan politikal a kainaigan na, a nailanad a kangrunaan a mapuntirya ket dagiti aktibista a napabasol a komunista weno “red-tagged. Inlanad pay ti US State Department ti Karapatan a kas “NGO [Non-Government Organization] a nakatutok iti panagsalaknib iti karbengan tao.
Apay a napateg daytoy:
Dinillaw ti internasyunal a komunidad ti administrasyon ni Duterte
a gapu iti nadara a “war on drugs” na, ti nairteng a kampanya na iti red tagging ken pananglabsing iti karbengan tao. Dinagup weno insuma lang ti US State Department dagiti pablaak dagiti internasyunal a grupo ti karbengan tao.
Saan met daytoy a kaunaan a kanito nu sadinno ket nangisawang ni Celiz kadagiti sasao a kairamanan dagiti aktibidades nga isaysayangkat ti National Task Force to End Local Communist Armed Conflict (NTF-ELCAC). Nagserbi pay isuna nga “star witness” ti dati a dadaulo ti AFP a ni Heneral Antonio Parlade iti panagsukisok ti Senado maipanggep kadagiti organisasyon ken dadduma pay a pampubliko a tao a nared-tagged. Bayat nga ibagbaga na nga isuna kano ket “rebel returnee,” pinaglibakan idi ni Celiz nga isuna ket kameng ti CPP ken New People’s Army (NPA) idi adda pay lang isuna idiay Siyudad ti Iloilo. Imbaga pay ti NPA idi pay lang 2020 a saan na a kameng ni Celiz. Nagbaliw ti tono ni Celiz kalpasan a naibilang isuna iti ‘narco list’ ni Duterte idi 2016 – Maez Estrada ken Joseph Gloria.
Paset ti Altermidya Network iti #FactsFirstPH a mang-umummong kadagiti nadumaduma a sektor a nakadedikar iti panangiparang ti kinapudno iti publiko, ken nu sinno man ti rumbeng nga agsungbat kadagiti didigra nga impaay ti kinaulbod. Kadagiti intiresado a makipaset iti inisyatiba, ag-mail iti info@factsfirst.ph.
Original fact-check by Altermidya: https://www.altermidya.net/false-cpp-is-source-of-us…/
ADVERTISEMENT
