Ti kunkunana: “Siak ti nangipaaramid,” kuna ni Presidente Bongbong kadagiti Ilocos Norte windmills
Rating: ULBOD
Intan-ok ni Ferdinand “Bongbong” Marcos Jr. dagiti naaramidan kano ni dati a tatang na a diktador ken impasindayaw na pay dagiti bukod na a proyekto a pang-imprastraktura bayat iti panagbitla na iti inagurasyon na iti agsapa ti Hunyo 30, a naisayangkat idiay National Museum weno Museo a pampagilyan idiay Manila.
Iti kabayatan iti panawagan na para iti ‘panagkaykaysa’ kano ken ‘panagdur-as’, imbaga na nga ti kadakkelan a parikot ri pagilyan ket ti masaknap a polusyon gapu ti plastik ke narugit nga angin. Kinunana a dagiti praktikal kano a solusyon para kadagiti narigat a mamintinar a pagtataudan ti enerhiya ken dagiti polusyon ket kasapulan pay a mapadur-as iti nalawlawa a pagrukodan, mgem dagiti alternatibo a wagas kas ti enerhiya nga ipataud ti angin ket agrugrugin. Kinuna ni Marcos Jr. nga isuna kano ti nangipaaramid kadagiti windmills idiay Ilocos Norte:
“Agtaytayyek dagiti palid-palid idiay rabaw ti kadaratan ti Ilocos Norte. Nabayag nga aggituntunda weno agpatoataud ti enerhiya ngem saan a naamammuan aginggana ita. Siak ti nangipaaramid kadakuada. “https://www.philstar.com/…/full-text-ferdinand-bongbong…
Saan a pudno daytoy.
Dagiti datos: Adda dagiti tallo a planta ti enerhiya a patpatarayen ti pigsa ti angin iti agdama idiay Ilocos Norte: (1) Bangui Wind Power idiay Bangui, (2) Burgos Wind, ken(3) Caparispisan Wind Power.
Ti Bangui Wind Farm a mangit-ited ti 33MW a kuryente ti kaunaan iti klase na iti sangkabuklan a SouthEast Asia, a nagrugi nga agoperasyon idi 2004. Daytoy ket inrugi ti NorthWind Power Development Corporation ken pinondoan ti Danish International Development Agency (DANIDA).
Ti met Burgos Wind Farm a mangit-ited ti 150MW Burgos Wind Farm ti kadakkelan iti pagilyan, ket bagibken patpatarayen ti EDC Burgos Wind Power Corporation (EBWPC).
Nakaala ti EDC ti pondo manipud iti grupo dagiti ganganaet ken lokal a bangko idi Oktubre 2014 para iti panakaipatungpal na daytoy a proyekto.
Iti maudi, ti Caparispisan Wind Farm a mangpatpataud ti 81MW Caparispisan Wind Farm ket inrugi ti North Luzon Renewable Energy Corporation (NLREC), maysa a nagsosyoan ti AC Energy Holdings Incorporated ti Ayala, ti the Philippines Alliance for Infrastructure (PNAI), Mitsubishi Corporation’s Diamond Generating Asia Ltd. ken tiUPC Philippines Wind Holdco.
Nagrugi ti pangkabuklan nga operasyon na idi November 2014
Awan kadagitoy a proyekto ti impaaramid weno pinondoan ni Marcos Jr.
Isu a laeng ti gobernador ti Ilocos Norte iti kabayatan iti panakaaramid ti Bangui Wind Farm idi 2005.
Apay nga ammuen tayo ti kinaagpayso: Namin-ano a masukisok ken naduktalan ti kinapudno na maipanggep iti daytoy nga istorya. Daytoy a panagbitla iti inagurasyon ket naipangngeg ken naipabuya kadagiti minilyon a Pilipino iti media ken telebisyon. Uray sakbay ti eleksiyon, inak-aklon ken binagi ti pamilya Marcos dagiti pammadayaw kadagiti proyekto ken negosyo a pang-imprastraktura tapno pabangluen da ti nagan da a paset ti inar-aramid da iti mano a dekada a kampanya ti panagpropaganda.
ADVERTISEMENT
