Ti kunkunada: Sakbay a natay ni Eli Soriano ket nagibalakad kano isuna a saan nga ibotos ti tattao ni Leni.
Maysa a bidyo manipud iti Facebook Page nga ‘SG Bantay Kasaysayan’ ti naiwaras nga addaan nailanad a paulo a “Bilin ni Bro Eli Soriano bago pumanaw tungkol kay Joma, mga kakampink nito at kung sino sino ang mga hindi dapat iboto ng sambayanang Pilipino….” (ti bilin ni Kabagis Eli Soriano maipanggep kenni Joma, dagiti kakampink na ken sinno-sinno dagiti saan a rumbeng nga ibotos ti umili a Pilipino) (https://fb.watch/d63uwtUyuR/)
Ranggo: ULBOD
Ti kinapudno: Awan ti naisawang a nagan ni Leni Robredo iti bidyo ni Eli Soriano. Nayon pay, impablaak ni Leni ti panagkandidato na iti kinapresidente iti Oktubre, mano a bulan ti napalabas idi pimmusay ni Eli Soriano iti bulan ti Pebrero. (https://www.rappler.com/…/leni-robredo-files…/ https://newsinfo.inquirer.net/…/ang-dating-daans-bro…)
Linaon ti bidyo ni Eli Soriano a mangkunkuna a dagiti institusyon ti pagadalan, kas ti Unibersidad ti Pilipinas ken Polytechnic University of the Philippines, karan dagiti progresibo nga organisasyon kas dagiti mangbukbukel iti Makabayan Bloc Partylist ket kunektado iti CPP-NPA.
Imbaga na a dagitoy nga institusyon ken organisasyon ket agserserbi a pagtataudan dagiti marekluta. Dagitoy a sasao ket awan kinapudnuan da ken napaneknekan nga ulbod iti namin adu a daras. (https://www.rappler.com/…/makabayan-lawmakers…/ https://www.facebook.com/…/a.85704…/5236672666388748/… https://newsinfo.inquirer.net/…/afp-would-apologize-to…)
Apay nga ammuen tayo ti kinapudno: Iti panakabuya na iti namin 5.9 a milyon a daras, daytoy a pablaak ket nangpataud ti di-impormasyon ken malisyoso a panaggura a maiturong kadagiti indibidwal ken organisasyon. Dagitoy a kunkunada nga inuulbod ket lablabsingen na ti karbengan-tao ken nalawag a klase ti “red tagging” a mangit-ited iti pangta ti biag kadagiti indibidwal a kameng dagiti nasao a grupo ken institusyon.
Original fact-check: https://thebaguiochronicle.com/…/fact-check-ely…/
ADVERTISEMENT
