Ti kunkunada: Ni kanu Presidente Ferdinand R. Marcos Jr., a kasla kenni tatang na, ket agek-extemporaneous speech weno saan kano a kasapulan nga agisagana ti basaen weno ibagana nu agbitla.
Ranggo: ULBOD
Dagiti datos: Nalatak daydi Ferdinand E. Marcos Sr. gapu iti abilidad na nga ag-extemporaneous ti speech na weno saan kano a kasapulan nga agisagana ti basaen weno ibagana nu agbitla. Iti panangipadas nga pagparangen a kasla kano kenni ama na, kuna ti maysa a Facebook Page, a managan Balitam Pinas a saan kano nga nagusar ni Bongbong iti teleprompter weno babasaen nu agbitla.
Makapasiddaaw daytoy ta si-aammo ti kaadduan a ni Bongbong ket mauyuyaw gapu ta saan a natural a managbitla a kas kenni tatang na ken liniklikan na idi daguiti panagbitla weno panakidebate iti publiko gapu iti nadaras a panagbeddalbeddal na ken matikaw pay isuna kadagiti ibagbagana.
Mayat kuma nga imatangan a saan isuna a nakatalyaw iti ayan dagiti teleprompter. Ngem iti maysa nga anggulo ti kamera manipud iti pareho a bidyo ti mangipakita ti pudno. Iti kinaagpaysuanan na, adda dagiti imahe ti dua a teleprompters a nakabatog iti mata iti kannigid ken kanawan a sibay na.
Apay nga ammuen tayo ti pudno: Awan ti dakes na iti panagusar kadagiti teleprompter nu agbitla iti sango dagiti agdengdengngeg a tattao. Saan a kissayan ti panagusar ti teleprompter ti kinalaing ken kinasirib ti maysa iti panangtimbeng na kadagiti parikot ti pagilyan.
Ngem ti panangiwaras kadagiti inuulbod a sarita tapno laeng itan-ok ti maysa a tao ket saan nga usto. Nakaala iti 16 a ribo a reaksiyon, 848 a komento ken naiwaras iti 165 a ribo a daras.
Dagiti datos: Ti Facebook page a Balitam Pinas ti nangipablaak ti maysa a bidyo idi July 3, 2022 nga addaan ti nakasurat a: “WOW! GRABE TO! si PBBM! WALANG SCRIPT NA BINABASA!”. Kunkuna ti nangipost nga awan kank basbasaen ni Presidente Bongbong Marcos bayat nga agbitbitla isuna iti publiko.
Ti panggep na ti pablaak ket ipalagip nu kasano nga agbitla ti tatang ni Bongbong a saan pay nga agisagana ti naisurat a basaen na sakbay ti panagbitla weno panagsao na iti publiko.
Kayat na nga dagiti makabuya ket panunuten da a tinawud kano ni Bongbong ti kinasirib ni tatang na.
Iti maika 1:55 minuto a paset ti bidyo, maysa nga anggulo a naala ti kamera ti mangipakpakita iti dua a teleprompter a nakakabil iti asideg ti nagtakderan ti presidente. Makatulong ti teleprompter aglalo iti panagsao iti sango ti publiko. Saan na a kissayan weno ipababa ti abilidad ti maysa a tao tapno makikomunikasyon weno mangidaulo. Iti bangir na, ti panangiwaras ti inuulbod a banag tapno allilawen ti publiko ket dakes nga aramid.
Original fact-check: https://thebaguiochronicle.com/…/fact-check-president…/
ADVERTISEMENT
