Ti kunkunada: Ni Ferdinand Marcos Jr. kano ket mangabngabaken iti eleksiyon idiay Hongkong ken Qatar
Ranggo: SAAN A PUDNO
Dagiti maiparparang a resulta kano to panagbobotos ken saan nga opisyal ken iligal.
Dagiti datos: Maysa a padamag iti pagiwarnak ti nangipaulo nga” ibagbaga ti kampo ni Marcos a mangabngabak da kano basar iti resulta ti panagbobotos idiay Hongkong.”
Inlanad ti Manila Bulletin a ti naggapuan dagitoy “saan nga opisyal a bilang ti botos” ket iti kampo ni Marcos. (https://mb.com.ph/…/marcos-camp-claims-victory-abroad…/)
Dagitoy kano a resulta ket naala ni Bryan Calagui manipud Hongkong ken Annaliza Segura manipud Qatar.
Impablaak ni Calagui iti Facebook na ti maysa a ladawan ti maysa a nagsuratan iti resulta kano base iti maysa a panagdamag kadagiti botante nga insayangkat ti grupo na.
Imbaga na iti post na nga “ITI MADAMA NGA PANAGBOBOTOS DITOY HONGKONG. 85% TI BOTOS TI BBM-SARA.” Daytoy ket naipablaak idi Abril 10. (https://www.facebook.com/bryancalaguiofficial/posts/354189843421337)
Kuna ni Calagui ket maysa isuna a drayber nga agtrabtrabaho idiay Hongkong.
Iti maysa nga Facebook account na, kuna na a maysa isuna a digital game designer ken maysa a superfan ni Bongbong Marcos.
Kabayatan na, ti bilang dagiti botante nga pinagdamagan da kano ket adadu pay ngem dagiti aktuwal a nagbotos iti immuna nga aldaw. (https://www.theglobalfilipinomagazine.com/…/exit-poll…/.)
Iti met sabali a banda, ni Annaliza Segura, a mapattapatta a manipud Qatar (https://www.facebook.com/annaliza.segura.7) ti nangiparparang kadagiti nagdadakkel a bilang dagiti botante manipud Qatar, Saudi Arabia ken Canada nha awan pay palawag na nu sadinno ti nagalaan na a kasla agiparparuar kadagiti kuneho manipud iti kallugong ti maysa a madyikero.
Segun kenni James Jimenez, tagapagsarita ti Comelec a dagitoy a klase ti impormasyon ket saan kuma a mapagnamnamaan malaksid nu nagtaud dagitoy iti maysa nga kumpanya weno grupo nga addaan napintas a reputasyon na. (https://twitter.com/jabjimenez/status/1513287999655903233…)
Saan a nalawag nga imparang ti surbey ti bilang dagiti nagdamagan da isunga saan a mapagtalkan.
Nayon pay, ti nasao a pablaak ket saan na a sunurot ti pagannurotan ti eleksiyon. Segun iti Seksiyon 5 ti RA 9006 weno ti “Fair Election Act”, dagiti exit polls weno resulta ket maipablaak laeng kalpasan iti panakapalpas ti eleksiyona nalawag a nu May (https://lawphil.net/stat…/repacts/ra2001/ra_9006_2001.html)
Apay nga ammuen tayo ti pudno: Gapu ta ti panangipablaak ti resulta ti eleksiyon ti maysa a dakkel a pagiwarnak a ti nangalaan na pay ti impormasyon ket dua a tao nga awan reputasyon na ken namintaken a panatiko ni BBM ket saan nga umno. Dagiti dadduma a pagiwarnak ti nagdesisyon a dagus nga ammuen ti pudno.
ADVERTISEMENT
