Ti kunkunada: Nakaiggem kano iti pasilaw weno kayo nga narubruban ti apoy dagiti raliyista nga dimmarup idiay Malakanyang iti panawen ti rebolusyon EDSA
Ranggo: ULBOD
Maysa a ladawan manipud iti pelikula ti kontrobersiyal a direktor a ni Darryl Yap maipanggep iti pamilya da Marcos a napauluan ti “Maid in Malacanang” weno “babaunen idiay Malakanyang” ti mangipakpakita kadagiti agprotprotesta nga nakaiggem kadagiti pasilaw weno kadagiti kayo a narubruban ti apoy bayat a dumardarup da idiay ruangan ti Malakanyang. https://www.facebook.com/…/pcb…/2975985912707780/
Nasobraan samet ni Darryl Yap ti panagbuya kadagiti pabpabuya maipanggep kadagiti aswang weno pati pay dagiti pelikula maipanggep kenni Frankenstein. Nakalawlawag a daytoy ket inuulbod. Sumagmamano kadagiti nakakita iti pudno karaman ti abugado a ni Wilfredo Garrido a maysa kadagiti nagprotesta nga immuneg iti palasyo iti rabbi ti Pebrero 25, 1986 ti nangibaga nga awan kinaagpaysuananna.
Kuna ni Garrido nga awan ti intugot da a pasilaw (weno tinidor a pangkali nu kayat mo iti kabutbuteng) idiay palasyo ti presidente. Nangiruar pay iti mano a ladawan ni Garrido tapno ipakita ti usto a pasak nu sadinno ket ti tugot da lang ket daguti bag ken dadduma pay a napateg nga usar idiay palasyo.
Nayon pay, awan ti dokumento ti pakaistoryaan weno ebidensiya a mangipakpakita nga dagiti tattao nga simrek idiay palasyo ket Nakaiggem da ti pasilaw.
Sinnungbatan met ni Yap dagiti ibagbaga dagiti mismo nga adda idiay a panawen babaen iti panangibaga na a ti pabuya na a
“Maid in Malacanang” ket saan a maysa a dokumentaryo, saan a pakaistoryaan ti biag, ken kas maysa a mannurat ket direktor, addaan isuna ti wayawaya iti panagparnuay (creative freedom) a pakurien dagiti tagtagainep na.
“Nu kayat ko nga aramiden a maris Pink ti kolor na dayat, mabalin. Nu kayat ko nga aramiden a tallo katao da lang ket mabalin. Dagiti garud 80,000 a bilang ket aramiden yo a 400,000 kadagiti rali— uray saan met a pabuya. Daytoy pay ngata?”
Kuna ni Yap nga nagaramid pay isuna iti kumkumpurmi kas iti panangikamada na ti “screengrab” manipud iti bidyo ti kampanya daydi sigud a Presidente Benigno “Noynoy” Aquino mga agigiggem ti pasilaw tapno ipilit na ti kayat na.
Nu dayta ti pamay-an, ket kbailan na garud ti paulo a “pantasya iti pakaistoryaan” weno inim-imbento lang ken palawag iti rugi ti pabuya. A ti pananginayon na kadagiti artista a mangiladladawan kadagiti pudno a Marcos ket mang-allilaw lang iti pabuya.
Apay nga ammuen tayo ti pudno? Nalawag a porma daytoy ti panangbaliw ti pakaistoryaan weno historical revisionism. Numanpay a namin-ano a kinuna ti direktor a ni Darryl Yap a ti pabuya ket saan nga usto a pakaistoryaan, iladladawan na pay lang ti Rebolusyon ti EDSA ken dagiti kano aktibista ket barbariko, bayolente, ken inuugma uray ilablaban da lang ti wayawaya da.
Ngem nu ti kayat nga iparang ni Yap ket aswang weno nakabutbuteng nga ayup ti pamilya Marcos, ket adda nga agpayso ti wayawaya na kas mapagparnuay wenno “creative”.
Original article: https://thebaguiochronicle.com/…/fact-check-rallyists…/
ADVERTISEMENT
