Ti Kunkunada: Inaklon kano ni Joma Sison a balbalakadan na ni Leni Robredo
Ranggo: ULBOD
Dagiti Datos: Kunkuna iti maysa nga artikulo a naipablaak iti Journal News Online Page nga inaklon kano ti nangitakder ti Partido Komunista ti Pilipinas wenno Communist Party of the Philippines (CPP) a ni Jose Maria “Joma” Sison a balbalakadan na ni Bise Presidente Leni Robredo ken ti tagapagsarita na a ni Barry Guttierez. Ti damag ket naggapu kano iti opisyal a pagiwarnak ti CPP nga “Ang Bayan a naipablaak idi Lunes. (https://journalnews.com.ph/joma-admits-advising-leni/)
Ti artikulo ket insurat ni Lee Ann P. Ducusin, maysa a mannurat a namin-ano a nangiruar kadagiti makaallilaw nga artikulo iti Journal News Online webpage. (https://journalnews.com.ph/author/iapd-ducusin/)
Nayon pay, ti makaallilaw nga artikulo ket intweet pay ti agngayngayangay para iti kinapresidente a ni Panfilo “Ping” Lacson, a ti kallabes ket magitweet kadagiti maipanggep iti koneksiyon kano ni VP Robredo. (https://twitter.com/iamping…/status/1517415802550427649…)
Segun kadagiti pada nga artikulo ti Inquirer.net, imbaga garuden ni bise presidente Leni Robredo awan pulos ti nagkinnontakan da ken Joma Sison nga immapon idiay Netherlands. “Awan kinaagpaysuananna dagiti maipadpadamag a ni Joma Sison kano ket agitited kanyak ti personal weno pangkampanya a balakad. Saan ko pulos isuna a kinasao iti anyaman a kanito.” (https://newsinfo.inquirer.net/…/robredo-debunks-ties…)
Iti maysa a pannakiinnuman iti PhilStar Global, kuna ni Joma Sison, ‘Saan ko a binalbalakadan ni Leni Robredo, numanpay bigbigek nga isuna ti mas kuwalipikado a kanidato para iti kinapresidente.”
Iti pada nga artikulo, baga ti kangrunaan nga opisyal para iti impormasyon a ni Marvo Valbueno a saan da pulos a nangipablaal iti anyaman mga artikulo maipanggep iti panagbalbalakad ket daytoy ket maysa a peke a damag. (https://www.philstar.com/…/sison-no-talks-all-robredo…)
Awan kadagiti arkibo ti anyaman nga artikulo maipanggep iti damag, nayon pay, awan pulos artikulo a naipablaak iti April 18, Monday nu sadinno a kunkunada a nakaipablaakam kano ti artikulo.
Iti maysa a pablaak iti facebook, kuna ti kaanakan ni Joma Sison a mamati isuna a saan a binalbalakadan ti uliteg na ni Robredo. Kunana a daytoy ket paset ti redtagging nga iskema dagiti troll ni Marcos. Ginubusan na ti pablaak na ti #StopFakeNews. (https://m.facebook.com/story.php?story_fbid=10224906665426902&id=1023207514)
Saan nga umuna a pasamak ti panakapabpabasol da keni VP Leni nga addaan kano ti koneksiyon na iti CPP-NPA-NDF. (https://www.rappler.com/…/text-blast-joma-sison…/)
Apay nga ammuen tayo ti pudno: Daytoy nga artikulo a naiwaras iti 103 a daras iti Facebook ken Twitter, nga nainayon pay ti kandidato para tu kinapresidente a ni Ping Lacson, ket addan kinaawan kinapudno a maysa a kaso ti libelo ken maysa a maris ti redtagging.
Dagiti pada nga artikulo:
Original article: https://thebaguiochronicle.com/…/fact-check-joma-sison…/
ADVERTISEMENT
