Ti kunkunada: Immamin kano ti anak da Kiko ken Sharon a maysa kano isuna a lesbiana
Ranggo: ULBOD
Ni Miel Pangilinan, nga anak ti aggibus ti termino weno akem na a kas Senador a ni Kiko Pangilinan ken ti nalatak nga artista iti pelikula a ni Sharon Cuneta a kas Queer weno dagiti babbai ken lalaki a saan a maawagan a lalaki weno babai, saan a kas lesbiana wenno tomboy.
Iti lang nabiit, immamin ni Miel ita a bulan ti Pride weno “Pride month” a kunana ket, “Ita a bulan ti Hunyo, iselebrar ko ti umuna a pride month ko a kas maysa a sipaparang ken sipupubliko a Queer…” https://www.instagram.com/p/CeyVdT-OZxr/
Ngem adu nga istorya ti dagus a nagsiruwar a mangkunkuna nga isuna kanu ket immamin a maysa a lesbiana.
Iti kauddian nga istorya na iti Instagram, inlawlawag ni Miel a to panang-awag kanyana a kas maysa a lesbiana ket saan nga usto. Inyunay-unay na a saan kuma nga ipagarupen ti tattao nga isuna ket lesbiana malaksid nu isuna mismo ti nangibaga.
Iti depinisyon, ti sao a “Queer” ket maysa a nalawa a termino a mangiladawan iti maysa a tao a saan nga ummanammong iti gagangay a panagbuya ti sosyedad kadagiti “gender roles” weno nasken a garaw base iti weno kinalalaki weno kinababai, seksuwalidad, ken seksuwal a panaggusto weno pannakaawis. kabayatan na, ti “lesbian” ket termino nga addaan narabaw a depenisyon a mangiladladawan kadagiti babbai nga addaan romantiko a panagkayat weno seksuwal a karirikna kadagiti padada a babbai.
Garud, ti panag-awag a tomboy kenni Miel Pangilinan ket sumupadi weno kumontra iti identidad ken kapadasan na a kas maysa a Queer.
Iti maysa a kapada nga pagpanpanunitan, imbaga idi naminsan iti panawen ti panagkamkampanya na ti nangabak iti kinabise-presidente a ni Sara Duterte nga isuna kano ket maysa a kameng ti komunidad ti LGBTQ+, nga imbaga na pay nga ipapaukis na iti ababa ti buok na kada marikna na nga isuna kano ket maysa a lalaki. Kunana a sukatsukatan na ti itsura ti buok na depende nu marikna na nga isuna kano ket kasla lalaki weno kasla babai.
Dagus met a nangiruwar ti reaksiyon dagiti grupo ti progresibo a grupo ti LGBTQ+ iti pablaak na nga addaan panawagan da nga “saan a bado ti kinaassinok” weno “my gender is not a costume”.
Iti panagtunton kailaksidan iti SOGIE ni Duterte-Carpio, iti panagbalin a kameng ti LGBTQ+ ket akaklonen na weno maawatan na met lang dagiti pudno nga rikriknaen ti adda iti maysa a grupo dagiti maipapaigid ken maidadanes.
Original fact-check: https://thebaguiochronicle.com/…/fact-check-daughter…/
ADVERTISEMENT
