Ti kunkuna da: Adu kano ti agtalek iti SMNI
Ranggo: KURANG KONTEKSTO NA WENO KURANG TI NAAN-ANAY A PALAWAG NA
Dagiti datos: Segun iti kamauddian a surbey weno panagadal ti Publicus Asia, ti nakagun-od kano ti Sonshine Media Network International (SMNI) ti umabot 32.3 a porsiyento a kinaado ti tao iti umuna nga uppat a bulan ti 2022 kumpara iti 16 a porsiyento iti bulan ti Disyembre ti napalabas a tawen.
Impablaak weno inbrodkas ti Sonshine Media Network International (SMNI) ti kunkuna na ken naiwaras iti namin-ano a daras iti social media. https://fb.watch/djsGgIgytb/
Ti SMNI ket maysa a broadcasting company ti Kingdom of Jesus Christ (KJC). Daytoy a KJC ket idadauluan ni Apollo Quiboloy a wanted ti Federal Bureau of Investigation (FBI) gapu iti kaso ti sekswal a panang-abuso kadagiti ubbing, sekswal a panag-abuso babaen iti pammilit weno babaen iti ranggas, panangloko tapno magun-od ti tarigagay na ken panagpilit babaen iti pammutbuteng ken ranggas ken dadduma pay a krimen.
Numanpay dagiti dadduma a datos ti makuna a surbey ket addaan bassit a kinaagpaysuanda, ti sakop na ti surbey ket limitado unay kumpara kadagiti kongkreto ken addaan napigsa a pammaneknek na a datos ti kasasaad iti pagilyan.
Saan met nga nailanad iti surbey nu mano dagiti nasaludsod ken nu isuda aya ket matalek a mangibagi iti populasyon ti pagilyan ken pang-ekonomiya a tukad dagiti umili.
Anya dagiti naisaludsod iti surbey? Dagitoy ket nadakamat kuma iti istorya ken kasta met lang nu siasinno ti nangpondo iti surbey ken apay a naisayangkat.
Maibalin a maikonekta iti panagbalin na a kas istasyon ti telebisyon nu apay a ngimmato kano ti bilang dagiti mangtalek iti SMNI.
Segun iti Statista, ti publikasyon weno istasyon a dakdakamaten ti pablaak maipanggep iti amyaman a surbey ken dadduma pay ti agserbi a napigsa a mangguyod iti talek dagiti tao.
Iti sangalubongan, makitkita a ti social media ket saan unay a mapagtalkan a paggapuan weno pagtaudan dagiti damag, ket ti pay lang kapapati a pagdenggan weno pagbuyaan kadagiti damdamag idiay European Union ket radyo ken telebisyon. Iti agdama a lubong nu sadinno ket agraraira dagiti peke ken ulbod a damdamag weno fake news ken manglimita iti panagamiris kadagiti pasamak iti pulitika, marigatan dagiti agtutubo nga agtalek iti mass media, ken daytoy pay ket maobserba kadagiti nataengan.
Ngem uray iti kaaddaan na ti kastoy nga impormasyon, ti kabuklan a panagtalek dagiti Pilipino kadagiti publikasyon ken mapagtalkan a pagiwarnak ken dadduma pay a lehitimo a pagruwaran dagiti damdamag ket nababa nu sadinno ket addaan 32 a porsiyento iti surbey ti sangalubongan.
Daytoy ket gapu a ti Pilipinas ti nagbalin a pagtataudan dagiti disimpormasyon a nagrugi sakbay pay ti panagbobotos iti tawen 2022. Nausar ti internet tapno maiwaras dagiti ulbod a damdamag para iti propaganda a pakairamanan dagiti trolls ken bangking a panagipadamag.
Nayon pay, 51 a porsiyento ti umili a Pilipino ti saan a makailasin iti peke a damdamag iti telebisyon ken social media. Dagiti kadakkelan a behikulo iti social media ket ti Facebook, YouTube, and TikTok.
Kimmaro ti kasasaad gapu ta 70 porsiyento to umili a Pilipino ti agdepdependar iti Publicus Asia para iti damdamag.
Gapu iti daytoy nga isyu, mamati ti 69 a porsiyento ti umili a Pilipino a seryoso a problema dagiti peke a damdamag iti media. Daytoy a kasasaad ti timmaud iti nababa a bilang ti panagtalek dagiti Pilipino iti news media. https://www.sws.org.ph/swsmain/artcldisppage/…
Ngem kaskasdaaw para iti SMNI a nalatak iti panangiwaras na kadagiti saan a napaneknekan ti kinaagpayso a damdamag ken bangking a panagited ti damdama a makaala ti nangato a porsiyento ti bilang dagiti tao nga agtalek kanyana.
Apay nga ammuen tayo ti kinapudno: Gapu iti nasaknap a disimpormasyon iti kagimungan tayo, kasapulan tayo nga agbalin a managamiris kadagiti mangmangngegan weno mabasbasa tayo a damdamag. Dagitoy a propaganda a kontra iti kinapudno ket pananglabsing iti karbengan tao ken demokrasya a mangibaw-ing iti kapanunotan tayo kadagiti agpayso nga isyu kas iti korapsiyon weno kunniber.
Original fact-check: https://www.facebook.com/852083154847743/posts/5345261488863198/?d=n
ADVERTISEMENT
