Panang-adal iti kinapudno: Adda ti mangkunkuna a ni Sarah Elago ket isuna ni Katrina Hallare a “biktima” ti Martial Law
Ti maysa a post ti maiwarwaras iti socal media ti mangipakpakita nga ti biktima kano ket dimmar-ay ken nagsao iti maysa a press conference
Maysa a pablaak iti Facebook ti mangiparang iti maysa a biktima ti Martial Law weno Linteg Militar a mangsalsaludsod kadagiti tattao nu apay nga imbotos da ni Ferdinand Marcos Jr. a kas presidente. Ngem nakasurat iti nasao a pablaak ket naiyanak isuna iti tawen 1999, adayo a panawen manipud iti panakaiyatnag ti Martial Law iti pagilyan.
Naiparang iti nasao a post ti ladawan ti maysa a babae, a naipalidem ti rupa na tapno saan a mailasin ti nagsao iti maysa a press conference. Napanaganam isuna a kas Erika Mae Lakandula, a naiyanak idi 1999 ken agisiskwela kano idiay “Bagong Bangag University of the Philippines.”
“Apay nga imbotos yo ni Bongbong? Saan yo aya nga ammo a maysaak a biktima ti Martial Law? Awan ti asi yo kadakami (Why did you vote for Bongbong? Don’t you know that I am a victim of Martial Law? You do not have any sympathy for us)” ti kunana ti post, nga ti turong ti sao na ket iti anak ti daydi diktador, ni president-elect Ferdinand “Bongbong” Marcos, Jr.
Ranggo: ULBOD
Dagiti datos: Iti maysa a makunkuna a Google reverse image search weno panagtakuat iti kinaagpayso na ti naiparang a ladawan, naduktalan a ti babae a naiparang iti post ket ti Kongresista ti Kabataan Partylist a ni Sarah Elago.
Ti ladawan nga impablaak ti GMA News ket idi pay lang May 2019, a mangipakpakita kenni Elago nu sadinno ket supsupyaten na ti plano a panakaipantungpal ti mandatory Reserved Officers Training Corps (ROTC) a programa.
Iti dayta a panawen, impasa dagiti mammanday linteg iti Kongreso ti House Bill No. 8961 a mangidurduron iti panakaisubli ti
mandatory ROTC para kadagiti Grade 11 ken 12 nga agisiskwela nga addan iti third ken final reading na
Iti Twitter, naipaammo kenni Elago ti panakaus-usar kadagiti ladawan ni Elago.
“Tulongan dakami a mangireport iti daytoy a oage. Agyamanak,” sungbat na iti maysa a”netizen” a nangidanun kenkuana babaen iti tweet.
“Sobran a talag, namin-adu kami a nangibutaktak kadagiti page nu sadinno ket agipabpablaak da kadagiti ulbod ken kinalangsot ken pammabasol kadakami ngem awan pay ti nadusa (This is too much, we’ve been reporting these pages who only post false claims and accusations numerous times, but no one is being held accountable),” innayon na pay.
Malaksid iti daytoy, naiparang iti post ti sumagmamano a page ken website address nu sadinno kano ket naiparang ti bidyu ti inetrbyu iti makunkuna a biktima. Ngem nu iclick dagiti tao dagiti link, maiturong da iti maysa a nalatak nga online shopping site.
Kunkuna pay iti post nga ti biktima ti mangibagbaga a biktima kano isuna ti Martial Law numanpay naiyanak isuna idi 1999. Indeklara ni Ferdinand Marcos ti Martial Law idi September 1972 ken pormal a naggibus daytoy idi January 1981.
Apay a napateg daytoy: Bayat a saan a nailanad nu sadinno ti naggapuan na ti post, daytoy ket naiwaras iti namin-ano a daras kadagit nadumaduma a page ti Facebook.
Kabayatan iti panakaisurat na daytoy nga artikulo, nakaani ti post iti maysa a Facebook page ti 22, 000 a reaksiyon, 12,000 a komento ken naiwaras iti namin-6,500 a daras. Numanpay daytoy ket napaglibakan dagiti independente a mangipabpablaak kadagiti panagamiris iti kinapudno, agtaltalinaed latta ti nasao a post.
Original fact-check: https://www.onenews.ph/…/fact-check-kabataan-rep-sarah…
ADVERTISEMENT
