Ti kunkunada: Agbukel kano ni pumanawen a kas Bise-Presidente a ni Leni Robredo ti “Angat Buhay Alliance” kadwa ti Communist Party of the Philippines (CPP) and New People’s Army (NPA)
Ranggo: ULBOD
Dagiti datos: Imparang ti maysa a tweet nga inaramid ti @NewGovOrgABF idi June 3, 2022 ti maysa nga imahe a mangiladladawan iti maysa kano nga opisyal nga pablaak manipud iti @VPPilipinas, ti opisyal a Twitter account ti Opisina ti Bise-Presidente.
Naipakita iti imahe a nagtaud iti saan a maammuan a paggappuan ti maibagbaga kano a: “Saan pay a nalpas ti laban tayo iti panagbaba tayo a kas Bise Presidente. Mapan tayo pay lang iti exciting part.
Iwarwaragawag tayo ti Angat Buhay Alliance. Kadwa tayo dagiti natutured ken maingel a grupo ti Communist Party of the Philippines (CPP) ken ti New People’s Army (NPA). Isuda ti katinnulong tayo iti panagikabil tayo iti Baro a Gobyerno para iti Angat Buhay Lahat.”
Nainayon iti imahe dagiti tallo a bandera, manipud iti kannigid apan kannawan: ti Communist Party of the Philippines (CPP), ti “Angat Buhay Alliance”, ken ti New People’s Army (NPA).
Iti baba dagiti bandera ket ti ladawan ni Leni Robredo.
Kunkuna ti tweet a daytoy kano ket “Opisyal a pablaak ti @VPPilipinas” uray nga iti kinapudno na ket awan ti inruruwar ti account a @VPPilipinas nga anyaman a tweet manipud February 3, 2022.
Twitter account ti Opisina ti Bise-Presidente: https://twitter.com/VPPilipinas
Saan a konektado ti @NewGovOrgABF iti Opisina ti Bise-Presidente ken dagiti programa ti Angat Buhay.
Simmango ni Leni Robredo ken ni Joma Sison, ti nangitakder ti Communist Party of the Philippines, kadagiti pada nga akusasyon nga alyansa idi pay April 24, 2022.
Pinaglibakan dagiti dua nga nangbukel da ti maysa a koalisyon, imbaga pay ni Robredo a saan na pulos a nakasasao ni Sison.
Apay nga ammuen tayo ti pudno: Makuna a panangdadael dagiti inuulbod a panangikonkonekta iti Angat Buhay program ken ti Communist Party of the Philippines and the New People’s Army.
Dagitoy ket malisyoso ken binabangad nga aramid.
Saan da laeng nga dadadaelen ni Leni ken ti takder na iti pulitika, nu di ket mangpakaro laeng kasagiti pammabasol a sangsanguen ni Leni iti gobyerno ken iti militar a naimpaklan weno timmangken nga anti-komunista.