Ti kunkunada: Ti CPP-NPA-NDF ti rason nu apay nakauneg ti Kabataan Partylist
Ranggo: ULBOD
Dagiti datos: Nang-“red-tag” weno nangpabasol manen iti maikapamin-ano a daras ti NTF-ELCAC a ni Leni Robredo ken dagiti progresibo a party list ket konektado kadagiti organisasyon ti CPP-NPA-NDF.
Segun iti naipablaak iti NTF-ELCAC page, kinablaawan da dagiti umili a saan a bimmotos iti Bayan Muna ken Anakpawis, a segun kadakuada ket partylist kano dagitoy ti CPP-NPA.
Iti met lang nasao a pablaak, ti panagngato iti bilang ti botos ti
Kabataan Partylist ket mabalin kano a gapu iti panakisinnabwat ni Leni Robredo iti CPP-NPA a nangtutok iti sektor dagiti agtutubo babaen iti panangsugsog kadakuada nga agbalin a radikal.
Kunada a nagipila da ti kaso laban kadagiti nasao a partylist ken agipila da pay ti ad-adu kadagiti sumarsaruno nga aldaw.
Dagiti pammabasol da ket namin-ano a napaglibakan babaen kadagiti adda kredibilidad na a damdamag.
Dagitoy a partylist ket agtultuloy a mapatpataray gapu ta awan ti lina sing da a linteg. Kangrunaan, ti Republic Act No. 7941 weno Party-List System Act. Dagiti mailaksid iti Section 6.2 ti daytoy a linteg ket ti anyaman nga organisasyon a “mangtartarigagay iti ranggas weno saan a nainkalintegan a wagas tapno laeng magun-od na ti panggep na.”
Ti kunkunada a nakitinnulag ni Robredo iti NPA ket napaglibakan iti namin-ano a daras. Awan kinaagpaysuanan dagiti maibagbaga nga adda koneksiyon ni Robredo kenni Joma Sison idi, sakbay, bayat ken kalpasan ti panawen ti panagbobotos.
Nayon pay, ti tagasarita ti NTF-ELCAC a ni Lorraine Marie Badoy ket nalatak ti aramid na nga agpabpabasol ken agredred tag. Sumangsango isuna iti 11 a darum gapu iti panagred tag na kadagiti agduduma nga indibidwal ken grupo kadagiti napalabas a bulan.
Ti laeng agpayso nga ibagbagada ket ti panakaala ti Kabataan Partylist it 530,000 a botos a maikumpara iti 195,000 a botos idi panagbobotos idi 2019.
Apay nga ammuen tayo ti kinapudno: Nalawag a porma ti red tagging ti maibagbaga iti nasao a pablaak a naiwara iti 2.6 a ribo a daras. Kas paset ti ahensiya ti gobyerno, nasken laeng a makondena dagitoy a pasista nga aramid.
Original fact-check: https://thebaguiochronicle.com/…/fact-check-increase…/
ADVERTISEMENT
