Ti kunkunada: Nadiskuwalipika kano ni Neri Colmenares ken dagiti progresibo a partylists
Ranggo: ULBOD
Ti imahe nga maiwarwaras iti social media ket nagtaud kano iti Comission on Elections weno Comelec a mangdisdiskuwalipika kenni Neri Colmenares iti panagkandidato na iti pagkasenador, dagiti partylist a Bayan Muna, Anakpawis, Kabataan, ACT Teachers, ken Gabriela iti eleksiyon. Ti imahe ket awan ti makita a pirma a kas pammaneknek nga lehitimo ken kapapati.
Nayun na, awan ti opisyal a pablaak ti Comelec iti anya man a panagdiskuwalipika. Imbaga pay ti opisina ti komisyoner ti Comelec a saan a nagtaud iti opisina da ti maiwarwaras a dokumento, tinalmegan na pay daytoy nga ulbod ken peke. (https://twitter.com/rapplerdotcom/status/1522940028565229568).
Daytoy a narugit a taktika ti kadawyan nga aramid aglalo iti lebel ti lokal. Ti tiyempo panakaiwaras na (a sumagmamano nga oras sakbay nga aggibus ti panawen ti panagkakampanya) ket narigat nga ikorehar. Daytoy ket awan mammamaay na ket kasapulan ti panagsukisok ti Comelec.
Original fact-check: https://thebaguiochronicle.com/…/fact-check-neri…/
ADVERTISEMENT
