Ti kunkunada: Saan kano a madillaw ni Robredo ti martial law weno ni Marcos ta dinutokan ni Marcos ni tatang na kas maysa a huwes.
Ranggo: SAAN A PUDNO
Dagiti Datos: Agpayso a ti ama ni Bise-Presidente Leni Robredo a daydi Antonio Gerona Sr. ket dinutokan daydi Presidente Marcos a kas maysa a huwes a tukad munisipal (https://newsinfo.inquirer.net/…/leni-robredos-father…) ngem saan na kayat a saoen a adda dakkel nga utang na a naimbag a nakem na ken Marcos weno iti administrasyon na gapu iti panakadutok na.
Dagiti agserserbi iti publiko weno adda iti posisyon ket trabaho para kadagiti umili a saan nga iti administrasyon weno dagiti adda iti poder.
Ken nayon na, sabali ti tinurong ni Robredo a pamay-an manipud kenni ama na.
Iti kinaagpaysuananna, uray nu nakatugaw ni Gerona Sr. a kas huwes iti tukad munisipal, adda ni anak na idiay Unibersidad ti Pilipinas Diliman, ken aktibo a makipaspaset kadagiti protesta kontra iti diktadurya ni Marcos (https://newsinfo.inquirer.net/…/leni-robredo-best-man…).
Iti panawen a pinalpas ni Robredo ti panagiskwela na iti abugasya ken naipasa na ti eksaminasyon para iti pagkaabugado, dayta ket iti tawen 1997, nasurok maysa a dekada kalpasan ti Martial Law.
Uray agingga itatta, sitatalinaed ni Robredo a mangdildillaw iti martial law. (https://www.philstar.com/…/robredo-urges-filipinos…).
Numan pay ti posisyon ti ama na ket impaima daydi naalabas a diktador, saan na kayat a saoen a saan a dillawen ni Robredo ti martial law. Iti kinaagpaysuananna, maysa a pammadayaw para iti ama na gapu ta siimet ti anak na iti maysa a kritikal weno nauneg a panagam-amiris ken sinurot na ti bukod na a papelen iti gimmong.
Iti saan a direkta a panagnumar manipud iti proklamasyon ket saan na nga maawan dagiti kinaagpayso dagiti dillaw ni Robredo iti martial law, weno saan na a maawan dagiti parigat nga impaay ti rehimen ni Marcos kadagiti umili a Pilipino ken dagiti kinabaknang a ginamgam ti administrasyon. Ti panagusar ti posisyon tapno makaala kadagiti pasurot na a mangrukbab kenkuana ket kasapulan kuma a maawan iti maysa nga usto a demokrasya.
ADVERTISEMENT
