Ti Kunkunada: Dinukot da kano dagiti kameng ti pamilya Marcos kalpasan ti EDSA People Power
Ranggo: ULBOD
Maysa a Tiktok video nga impost ni @norte_2k ti mangkunkuna a nadukot kano dagitibkamengbti pamilya Marcos kalpasan ti 1986 EDSA People Power. Naiparang iti bidyo dagiti sumagmamano a naputedputed nga eksena, karaman ti pannakainnuman ken Imelda Marcos a naala manipud iti dokumentaryo a napauluan “The Kingmaker”. Kunana a “Saan nga agpayso a naglibas kami iti pagilyan, dinukot dakami. Imbaga da kadakami a mapan kami kano idiay Paoay, maysa nga ili idiay Ilocos, kamauudiana gayam ket idiay gayam Hawaii.”
Naipost ti video nga addaan nakalanad nga “Impadukot da ti pamilya Marcos, saan da a pinanawan ti Pinas! Adu ti inuto dagiti Aquino.”
Ti kunkunada: inukot da kano dagiti kameng ti pamilya Marcos kalpasan ti EDSA People Power
Ti Datos:
Idi Pebrero 25, 1986, kalpasan dagiti negosasyon iti panaglusulo daydi Marcos Sr. iti puwesto na, pinakaammuan ni US ambassador Stephen Bosworth daydi Presidente Cory Aquino a napaannugot da ni Marcos Sr. a panawan ti pagilyan babaen iti panagawat na iti dawat dagiti Amerikano a panawan na ti Malakanyang. Ngem, awan pay ti napagtongtongan a destinasyon.
Iti laksid ti desisyon daydi Marcos Sr. a “matay iti palasyo,” kinasao dagiti annak na a babbai tapno aglugan isuna iti helicopter idiay Clark ken “pumanaw paapan idiay Estados Unidos.” In rasom da a nalabit a saan da a makaruar iti Malakanyang a sibibiag. Daytoy ti mangpaneknek a saan dinukot dagiti Amerikano dagiti Marcos. Segun iti Associated Press, saan a nagreklamo ni Marcos Sr. Idi immuna a simmangoet isuna iti teritoryo ti US. Idi nakasangpet isuna idiay Hawaii idi Pebrero 26, 1986, nakitongtong isuna iti gobernador a ni George Ariyoshi iti maysa nga oras.
Apay a napateg daytoy:
Bayat a maisursurat daytoy, ti Tiktok video ket adda ti nasurok 202,800, 21,500 a likes, 788 a komento ken naiwaras ti 575 a daras. Adda ti 1,230 a followers ti nasao nga account.
Original article: Philip Mateo, Altermidya March 21, 2022, https://www.altermidya.net/fact-check-pamilya-marcos…/
Makipaspaset ti Altermidya Network iti #FactsFirstPH a mamagumummong kadagiti nadumaduma a sektor nga addaan dedikasyon nga irupir ti kinapudno iti publiko, ken mangitalmeg kadagiti nagbasaulan dagiti tattao a nangdangran iti daytoy babaen iti panaglangsot. Para kadagiti interesado a makinayon iti daytoy nga inisyatiba, mabalin nga ag-email idiay [email protected].
ADVERTISEMENT
